Hezkuntza eta teknologia berriak

Teknologia edo metodologia?

2008-06-06T02:10:00.000-07:00

Bideoraren sarreran, eskola tradizional batean lan egiteko modua agertzen zaigu.

Irakasteko modu hau hainbat ezaugarri ditu, besteak beste, memorian oinarritutako irakaskuntza dela eta irakaskuntzaren eraikuntza, hau da, konstruktibista izatea, ez dagoela ziurtaturik.

Hau aldatzeko asmoz, eta IKTeek gizarteko arlo desberdinetan dituzten garrantziaz jabeturik, ikastetxeko zuzendaria agertzen da eskola modernizatzeko proposamenarekin, hori baita TTBBen helburuetariko bat.

Dena den, ikastetxe honetan(eta azken finean bideo hau hainbatetan benetan gertatzen denaren adibidea izan daiteke) kontutan hartzen ez dena eta azken finean berrikuntza hauen xede nagusiena dena, irakaskuntza-ikaskuntza prozesua eraginkorra izateko lan egitea da.

TTBBak modu ez zuzenean erabiltzeko arrazoietariko bat da metodologia ez egokitzea, hau da, metodo tradizionalekin erabilitako metodologia berdina erabiltzea, bakoitzak behar desberdinak dituela kontutan hartu barik.

Horregaitik, oso argi izan behar dugu teknologia berrietaz baliatzea garrantzitsua dela eta onurak dituela, bai, baina ez edonola erabilita.

2008ko maiatzak 15

2008-06-06T01:51:00.000-07:00

Gaurko saio teorikoan irakasgaiaren ebaluazio moduari buruz egon gara eztabaidatzen.

Ondo deritzot azterketa teorikoa egiteari, nolabait ikasitakoa ebaluatzeko modu egokia baita.

Oso zaila da zer nolako ibilbidea izan duen ikasle bakoitzak jakitea asko baikara eta memoriak ez gaitu beti epaitzen laguntzen.

Hala ere, idatzizkoa dagoela jakinda, klasean egindako lan praktikoa murriztuko nuke orduak eman baititugu artikulu desberdinak irakurtzen, horiei buruzko iruzkinak egiten, bloga berrizten, eta hori gutxi balitz azken asteetan Power Pointaren bidezko unitate didaktikoa ere egin behar izan dugu.

Hau aldez aurretik hobeto antolatu beharko zen, esate baterako ikasleen klasera etortzeak kontrolatuz eta hori nolabait "sarituz" zenbait lanen kentzearekin.

Saioa praktikoan Power Pointarekin lan egiten jarraitu dugu, gure aurkezpenentzako ideiak hartuz eta hauek osatuagoak (eta modu berean eraginkorragoak) egin ahal izateko.

2008ko maiatzak 8

2008-05-23T06:32:00.000-07:00

Gaurko saioa ohikoa baino laburragoa izan da eta praktikara bakarrik egon da zuzenduta.

Aldez aurretik abisatuta, irakaslearen bilera dela eta, B taldekoak 10.30etan hasi dugu klasea ordenagailu gelan.

Egin beharreko unitate didaktikoaren berri izan genuen aurreko saioetan eta trebatzeko, erabili beharreko programarekin(Power Point-a) egin dugu gaur lan.

Lanean hainbat aspektu baloratuko dira eta horietariko bat baliabide desberdinen erabilera izango da.

Guzti horiek ezagutzera bideratuta egon da gaurko klasea.

Diapositibetan soinua jartzen ikasi dugu esate baterako.

Soinua jartzeko modu desberdinak daude. Egiteko era bat, ordenagailuan agertzen diren adibideak erabiltzea da. Beste bat, pertsonalagoa dena, norbera bere ahotsa grabatzea eta gero diapositibari gehitzea da. Modu honetan gure lanari egokitu ahal diogu ondo datorkion soinua.

Gauza bera egin dugu irudi, esteka eta animazioekin.

Pausuz-pausuz azaldutako jarraibideei jarraituz modu errezean lortu dugu guzti hauek erabiltzea.

Ariñoko eskola

2008-05-21T13:26:00.000-07:00

Teknologia berriek eskoletan daukaten eraginetaz aritu gara azken saioetan eta hemen aurkezten zaigu horien inpaktuaren adibide erreala.

Eskola honetako sistemaren oinarria hezkuntza prozesuan teknologia berrien erabileran datza, ikasgela digitalen sorrera hain zuzen.

Herri txikiak askotan ez daude behar bezala komunikaturik eta IKTeek arazo hau gainditzen laguntzen dute.

Era berean, hauek erabiliz, ikasleek hainbat trebetasun garatzeko aukera daukate. Autonomia, esate baterako, da bideoan aipatzen dena, baina ez da bakarra.

Irakasleen lana berez gogorra da eta metodo tradizionaletatik aldentzen diren tresnak erabiltzea berebiziko esfortsua eskatzen du.
Adibidez, programaketa berriak sortzen.

Honi arreta berezia eskeini behar zaio, izan ere, batzuetan ikasgeletan teknologia berrietaz baliatzea bi metodoak, tradizionala eta berria bat ez egitea dakar eta hori prozesua oztopatzen baino ez du egiten.

Ordenagailuak ikasgeletan

2008-05-20T07:26:00.000-07:00

IKTeen eragina ikasgeletan nabaria da, eta ez hori soilik, daukan presentzia hain handia da horri buruzko ikerketak ere burutu direla.

Artikulu hau ikerketa horietariko bat da.

Bertan, batzuetan metodo tradizionalen eta teknologia berrien artean dagoen aldeaz hitz egiten da. Urruntze hau ez du ikasketa prozesua oztopatzen baino egiten.

Gauza da, askotan IKTak eskoletan zenbait trebetasun lantzeko bakarrik erabiltzen direla eta ez dute prozesuan parte hartze aktiborik.
Bestela esanda, ez dira lanabes bateratzailea bezala erabiltzen.

Beraz, prozesuaren emaitzak eraginkorrak izateko, nola erabili behar dira baliabide hauek? Zein da prozesu kontruktibista batera heltzeko erabili beharreko metodologia?

Galdera hauei eta beste hainbatei erantzuten saiatzen da testuaren egilea.

Hasteko, irakas-ikas jardueran teknologia berrietaz baliatzea oso prozesu konplexua dela jakin behar da.

Lana, ahalegina eta aldez aurretiko planifikazioa eskatzen dituena.

Askotan azkenengo hau da huts egiten duena. Bat-batekotasuna nabaritzen da eta helburuen finkaketa eza.

Hau jakinda, nire ustez ondoriorik garrantzitsuena, gure ekintzek helburu pedagogikoa izatea eta hori lortzeko lan egitea litzateke.

2008ko apirilak 24

2008-05-20T06:39:00.000-07:00

Gaurko saio teorikoan berriro ere, aurreko eguneko gaiarekin jarrituz, teknologia berrien eragina hezkuntzan aztertu dugu.

Horretarako, iraganeko eta gaur egungo hezkuntzari buruzko bideoa egon gara komentatzen klasean.

Iritzi asko agertu dira eta gehienak bat zetozen.

IKTeen eragina ukatu ezin dugun arren, zaila zaigu imaginatzea gaur eguneko hezkuntzatik larregi urruntzen den errealitatea imaginatzea.

Hezkuntza gizartearen ardura da, baina guri bereziki interesatzen zaigun gaia da eta aldaketen berri eduki behar dugu horietara moldatzeko eta azken finean, gure lana modu ahalik eta eraginkorrenean egiteko.

Saio praktikoan gure blog pertsonaletan lan egiten jarraitu dugu, oraingo honetan hauek osatzen, bideoak, etiketak eta ikaskideen helbideak gehitzen bestak beste.

Hezkuntza atzo eta gaur

2008-05-20T06:06:00.001-07:00

Aintzinako eta gaur egungo eta etorkizuneko hezkuntzaren arteko konparaketa egiten da bideo honetan.

Hasteko, orain dela urte askotako ikasgelaren irudia agertzen da eta prestakuntza horren bidez lortu ahal zen lanpostuarena ere.

Gaur egun, ordea, teknologia berrien garai honetan, eskoletan umeak ez omen dira hezten mota horretako lanak egiteko, baizik eta garai honekin bat datozen arloetan jarduteko.

Beraz, bideoak dioenaren arabera, teknologia berriak eta bizitzan daukagun arrakasta hertsiki lotuta dauden kontzeptuak dira. Bestela esanda, bideoak jarrera positiboa hartzen du teknologia berriekiko.

Teknologia berrien eragina eta zenbait kasuetan dakartzaten onurak ukaezinak diren arren, bideoak haiekiko menpekotasuna islatzen du, hauek irtenbide bakarra balira.

Ez dugu ahaztu behar, bestalde, hezkuntza eskubidea unibertsala den arren, munduko hainbat tokitan ez daukatela aukerarik horretaz gozatzeko eta are gutxiago medio hauek edukitzeko.

Arrakasta bide desberdinak deusestean baino, bateratzean datzala deritzot, beraien alde onak eta txarrak kontutan izanez.

Teknologia berriak eguneroko bizitzan

2008-05-19T12:49:00.000-07:00

Bideo honetan, berriro ere, umoretaz baliatzen da internetek eragiten ari den aldaketen berri emateko.

Bideoan agertzen dena gehiegizkoa den arren, oso ondo islatzen du egun bizi dena.

Gero eta aplikazio gehiago dauka internetek eta ez da lehen bezala soilik aisialdira mugatzen.

Gure eguneroko bizitza errezago egiten laguntzen digu eta arlo administratiboan, adibide bat jartzearren, ia edozein gauza egin dezakegu.

Bideoan agertzen den irudietariko bat, estuki lotuta dago Web 2.0 landutako gaiarekin. Ordenagailutik egunkaria ateratzen duenean hain zuzen.

Ikusi dugunez, internetek eragin duen aldaketa hain handia izan da, komunikabide tradizionalen aldaketa ere sorrarazi duela.

Web 2.0 "La revolución social en internet"

2008-05-19T12:07:00.000-07:00

Klasean Web 2.0-ri buruz ikasi eta gero, bideo honen bidez landutako kontzeptuak argiago ikusi ditzakegu, zerbitzuen bigarren belaunaldi hau benetan zer nolako eragina daukan ikusiz adibide errealen bidez.

Aldaketa honetaz jabetzeko, lehenik eta behin bideoan Web 1.0 definitzen da.

Web mota tradizional honetan, informazioa webmaster batek (web lekuaren arduraduna) sortzen du, erabiltzaileek era pasiboan kontsumitzeko.
Bere ezaugarri nagusiena estatikotasuna eta parte hartze eza da.

Web 2.0 (Web 1.0-ren eboluzioa dena) , ordea, aurreko web-aren nolakotasun honetatik guztiz aldentzen da.
Izan ere, web mota honen ezaugarririk nagusiena on-line kolaborazioa da.

Oinarrizko berezitasun honetatik ondorioztatzen dira Web 2.0 definitzen dutenak: komunikazio sistema aurreratua, erabiltzaileak informazioaren sortzaileak dira, parte hartze aktiboa dago, etabar.

Guzti hau izugarrizko aldaketak eragin ditu komunikabideetan.
Aldaketa honi medioen demokratizazioa deitu izan zaio, demokratizaioarekin guztion parte hartzeari erreferentzia eginez.

Gaur egungo Web 2.0 ko erabiltzaileek gainontzeko komunikabideen parean daude, eurek informazioa sortu eta kontrolatu egiten dute medio tradizionalen antzera.
Gainera kostua oso baxua izanik, ordenagailu eta konexio batekin nahikoa baita.

Hau medio askoren migrazioa dakar, interneten finkatuz hain zuzen.

Ikusitako honen bidez hainbat ondorioetara heldu gaitzezke baina hitz gutxitan, interneten presentzia alor guztietan gero eta handiagoa da eta eragin duen parte hartze demokratikoa ukaezina.

Animator vs Animation

2008-05-19T07:37:00.000-07:00

Umorezko bideo hau, teknologia berriek gure bizitzetan daukaten eragina erakusten du.

Guretzat ezagunak diren programak eta elementuak agertzen dira bertan, ez zaizkigu bitxiak iruditzen erabiltzen diren lanabesak eta ordenagailuarekin egiten diren efektu edo ekintza desberdinak.

Orain dela hainbat urte, profesionaletara mugatzen zen eremua zen informatika, eta gaur egun, trebetasun berezirik gabe, gure etxetik egin ditzakegu horrelako gauzak.

Bestalde, irudietan ikusten den etengabeko kaosa ere bada gaur eguneko gizarte teknologikoan hainbatek bizi duten egoeraren adierazgarri.

Teknologia berriek hartutako abiadura eta daukaten presentzia ezin da ukatu eta horretara egokitu behar gara batzuetan zaila den arren.

Liburu elektronikoa

2008-05-19T07:11:00.000-07:00

Berriro ere teknologia berriek gure eguneroko bizitzan eskeintzen dizkigunten aukera desberdinetaz aritzen da bideo hau.
Oraingo honetan, liburu elektronikoari buruzko informazioa jasoko dugu, E-booka deiturikoa.

E-booka funtsean liburu tradizionala betetzen dituen funtzioak beteko lituzke, baina ez da horretara soilik mugatzen hainbat aplikazio bai ditu.

Bere erabilera erreza eta erosoa da.

Liburuak interneteko helbide batzuetan daude eskuragarri. Gure nahien arabera aukeratu, jeitsi eta gero dispositibo batean gordetzeko aukera dugu.
Hainbat gorde ahal ditugu e-bookaren memorian.

Gainera, ez gara arduratu behar pantailatik irakurtzeagatik eduki ahal ditugun kalteengatik, ordenagailu tradizionalek ez bezala, E-booken pantaila ez baitu minik eragiten.

Hezkuntzan E-bookek izan ahal dituzten erabilerei begira, testu liburu tradizionalek betetzen dute espazioa aurrezteko tresna ezinhobea litzateke liburu elektronikoa.

Hain kaltetuta dagoen ingurugiroa zaintzeko aproposa da paperik behar ez duten liburuak erabiltzea.

Hainbat onura dauzkan arren, bere salneurria dela eta, liburu elektronikoa oraindik ez da guztiok eskuragarri izan ahal dugun zerbait.

Blogen aplikazio didaktikoak

2008-04-23T12:24:00.000-07:00

Jada klasean izandako saio desberdinetan ikasi eta ikusi ditugu blogek dituzten hainbat aplikazio.

Blogak, hain zuzen, Web 2.0 zerbitzuen barruan kokatuko genituzte.
Web 2.0 iraultza bat suposatu du mundu informatikoan eta gainontzeko arloetara zabaldu du bere hedapena.
Honen ezaugarriak aipatzen hasi ezkero, gehiegi luzatuko ginateke, zerrenda luzea baita.
Hala ere, aurreko Web-ekin alderatzeko, biak desberdintzen dituen oinarrizko berezkotasuna aipatuko dugu, on-line lankidetza, hain zuzen.

Lehen aipatu bezala, Web 2.0 eragina ez da soilik bere jatorrizko eremura mugatu, gainontzekoetara zabaldu da eta horrela gertatu da hezkuntzan ere.

Klasean zerbitzu honek ikasgelan izan ditzaken aplikazioetaz hitz egin dugu eta riketa hau interneten blogen aplikazio didaktikoak bilatzera dago zuzenduta.

Hurrengo lerroetan agertzen diren web orrialdeak zera honi egiten diote erreferentzia.
Egitura antzekoa izaten da gehienetan, lehenik eta behin Web 2.0-ri buruzko aurkezpena egiten da honen ezugarri nagusiak aipatuz eta jarraian, elementu desberdinek dauzkaten aplikazioei buruz hitz egiten da.
Azkenengo hau, hau da aplikazioa, da azken finean zerbaitetaz espero dena, erabilgarria izatea.

Aukeratutako web helbideetan, blogen aurkezpena egiten da lehenik eta behin, euren aplikazioak orokorrean azalduz, eta zehatzago, hezkuntzan daukaten funtzioa, hori baita guri gehien interesatzen zaigun atasa.
Lehenengo webean, hezkuntza gai nagusitzat daukaten blogen helbideak agertzen dira. Beraz, oso baliagarria da gida moduan erabiltzeko.
Gainontzekoak, blogen adibideak dira.

http://dewey.uab.es/pmarques/web20.htm

http://arigara.wikispaces.com/

http://bibmed.blogspot.com/2007/07/wikis-blogs-algunas-aplicaciones.html

2008ko Apirilak 17

2008-04-22T05:16:00.001-07:00

Gaurko saioan IKTeek hezkuntzan daukaten eraginari buruz aritu gara.

Azkenengo urteotan, IKTeen garapenarekin batera, hainbat arlotan izan dira aldaketak, eta arlo horietariko bat, hezkuntza da.

Begibistan pentsa daiteke aldaketa baliabideetara soilik mugatzen dela, hau da, erabilitako materialetara, baina are gehiago doa teknologiak beregain hartzen duen esparrua.

Irakaste-ikaste prozesuan, esate baterako, haibat aldaketa gertatu dira: irakaslearen rola (prozesu honen gidaria izango da), ikaslea berarena (formazioa aukeratzeko abagunea) eta batez ere IKTeek jarraitzen duten ildo beretik doan komunikazio eredu berria, unidirekzional zen eredutik multidirekzionala denera.

IKTeen gailentze hau irakaslegoaren etengabeko formakuntza eskatzen du, teknologien berri izateaz gain, hauetaz baliatzeko gure lana errezteko eta azken finean hobetzeko helburuarekin.

Modu honetan, irakaslego eraginkorragoari esker, prozesuaren hobekuntza lortuko dugu belaunaldi berrien prestakuntza hobetuz.

2008ko apirilak 10

2008-04-10T03:31:00.000-07:00

Gaurko saioan Web 2.0-ren inguruan aritu gara.

Hasteko, Web 1.0ren zenbait ezaugarri ikusi ditugu, hain zuzen, bi programen artean dauden desberdinatasunak markatzen dituztenak.

Web 2.0, internet erabiltzeko modu berria baino, filosofia berriatzat definitu dezakegu.
Izan ere, hainbat aukera eskeintzen dizkigu teknologia berriek eskeintzen dizkiguten baliabideei ahalik eta etekin gehien ateratzeko.

Garai berri honetako hainbat ezaugarri:

-Teknika dinamikoa
-Dohainikoa(dominiorik ez da ordaindu behar)
-Denok gara webmaster
eta baztez ere, garrantzitsuena eta garai berri honen muina dena,
-Web berriaren bihotza erabiltzaileak dira

Teoria alde batera utziz, ordenagailu gelan aurretik ikusitako guztia praktikan jarri dugu blog bat eratuz.